İl ərzində Bakı-Tbilisi-Ceyhan ixrac boru kəmərinə çəkiləcək əsaslı xərclərin 61,7 milyon dollar olacağı planlaşdırılır. "bp-Azərbaycan" şirkətindən bildirmişlər ki, gündəlik ötürmə gücü 1,2 milyon barrel olan BTC üzrə birinci rübdə əsaslı xərclərə 7,1 milyon dollar sərf edilmişdir. 
2006-cı il iyunun 4-dən bu günədək BTC ilə nəql edilmiş təxminən 193 milyon ton və ya 1440 milyon barrel xam neft Ceyhanda ümumilikdə 1870 tankerə yüklənərək dünya bazarlarına göndərilmişdir. Hazırda BTC boru kəməri ilə Azərbaycandan əsasən "Azəri-Çıraq-Günəşli" yataqlar blokundan hasil olunan neft və "Şahdəniz"dən çıxarılan kondensat, həmçinin Türkmənistan nefti nəql olunur.