- Enerji Təhlükəsizliyi ABŞ-ın bölgənizdə beynəlxalq təmaslarını irəli aparan əsas amildir. Birləşmiş Ştatlar Xəzər hövzəsinin karbohidrogen ehtiyatlarını dünya bazarlarına nəql edəcək etibarlı və sabit marşrutların üzərində çalışmalıdır. Azərbaycanın Avropa bazarlarına inteqrasiyası və Avropa İttifaqının enerji təhlükəsizliyinin Xəzər hövzəsi resursları hesabına təmin edilməsinə hər iki ölkənin birgə əməkdaşlığı vasitəsilə nail olunmalıdır.
Mən aramızdakı tərəfdaşlığın inkişaf etdirilməsi, xüsusilə də təmsil etdiyim Texas ştatında Hyustonla Bakı arasında ticarət və enerji münasibətlərinin artması üçün əlimdən gələni edəcəyəm. Sirr deyil ki, bu gün enerji hər bir qəzetin başlığında və hamının ağlında olan bir məsələdir. Mən neft və qaz sahəsi üzrə hüquqşünas kimi enerji sektorunun iş yerləri yaratma qabiliyyətini yaxşı bilirəm. Azərbaycan və ABŞ bununla bağlı təcrübələri ilə bölüşməli, strateji əhəmiyyət daşıyan Xəzər bölgəsində birgə əməkdaşlığın davam etdirilməsini təmin etməlidirlər.
Bu konfransa dəvətə görə təşkilatçılara minnətdarlığımı bildirir, SOCAR-ın beynəlxalq enerji təminatında artan rolunu yüksək dəyərləndirirəm.

Şeyla CEKSON Lİ, ABŞ Konqresinin üzvü