Qiymətli Kağızlar üzrə Dövlət Komitəsi "AtaSığorta" ASC-nin yeni səhmlərinin Emissiya Prospektini qeydə almışdır. Şirkətdən verilən məlumata əsasən emissiyanın həcmi 5 milyon manatdır. Qeydə alınmış adi sənədsiz adlı səhmlərin hər birinin nominal dəyəri 25 manat olmaqla cəmi sayı 200 min ədəd təşkil edir.
Səhmlərin yerləşdirilməsi kütləvi təklif üsulu ilə Bakı Fond Birjasında keçiriləcəkdir. Buraxılmış səhmləri əldə etmək istəyənlər cəmiyyətin səhmlərinin yerləşdirilməsində iştirak edən anderrayter "BROKDİL-AZ" MMC-yə müraciət edə bilərlər. Səhmlərin tədavülündə məhdudiyyətlər yoxdur. Səhmlərin dəyəri ödənildikdən sonra "AtaSığorta" ASC-nin nizamnamə kapitalı 10 milyon manata çatacaqdır.