Fevralın 22-də İqtisadi İnkişaf Nazirliyində (İİN) Belarusun iqtisadiyyat naziri Nikolay Snopkovun başçılıq etdiyi nümayəndə heyəti ilə görüş keçirilmişdir. 
İİN-in mətbuat xidmətindən bildirmişlər ki, görüşdə Azərbaycan və Belarus arasında mövcud iqtisadi əlaqələr, əməkdaşlığın inkişaf perspektivləri müzakirə edilmişdir.
Sonda "Azərbaycan Respublikasının İqtisadi İnkişaf Nazirliyi və Belarus Respublikasının İqtisadiyyat Nazirliyi arasında əməkdaşlıq haqqında" saziş imzalanmışdır. Sənədi Azərbaycan tərəfdən iqtisadi inkişaf naziri Şahin Mustafayev, Belarus tərəfdən isə bu ölkənin iqtisadiyyat naziri Nikolay Snopkov imzalamışlar.
Sənəddə ikitərəfli iqtisadi əlaqələrin genişləndirilməsi, ticarət, investisiya, sahibkarlığın inkişafı sahəsində məlumat və təcrübə mübadiləsi, qarşılıqlı maraq kəsb edən proqram və layihələrin həyata keçirilməsi, eləcə də iş adamları arasında ikitərəfli görüşlərin, biznes forum və seminarların təşkili nəzərdə tutulur.

AzərTAc