"Avropa Birliyi Azərbaycanın Ümumdünya Ticarət Təşkilatına daxil olmasını dəstəkləyir. Azərbaycan təşkilata daxil olan kimi biz ölkəyə azad ticarət haqqında saziş imzalanmasını təklif edəcəyik". APA-nın xəbərinə görə, bunu jurnalistlərə açıqlamasında Avropa Birliyinin Azərbaycan nümayəndəliyinin rəhbəri Roland Kobia demişdir.
AB-nin Azərbaycanın rəsmi şəxsləri ilə görüşlərdə Azərbaycanda sərbəst toplaşma azadlığı və siyasi məhbus problemlərini qaldırıb-qaldırmadığı barədə sualı cavablandıran səfir bildirib ki, AB Azərbaycandakı bütün məhbusların hüquqlarının müdafiəsi sahəsində Azərbaycan hökuməti ilə daimi müzakirə aparır: "Bu müzakirələr Azərbaycanla Avropa Birliyi arasındakı alt komitələr çərçivəsində müntəzəm aparılır".