Azərbaycan Mərkəzi Bankının (AMB) sərəncamında olan rəsmi valyuta ehtiyatlarının həcmi 2012-ci ilin yanvar ayı ərzində 102,3 milyon dollar (bir faiz) artmışdır. Trend-in məlumatına görə, bu barədə AMB-nin bazar ertəsi yaydığı məlumatda bildirilir: "2012-ci ilin yanvar ayının yekunları üzrə valyuta ehtiyatları 2011-ci ilin yanvar ayına nisbətən 61,2 faiz artaraq 10 583,8 milyon dollar olmuşdur".
2010-cu ilin yekunları üzrə AMB-nin valyuta ehtiyatları 6 407,6 milyon dollar, 2011-ci ilin yekunları üzrə isə 10481,5 milyon dollar təşkil etmişdir.
Mərkəzi Bank 2012-ci ildə sərəncamında olan valyuta ehtiyatlarının təxminən üç milyard dollar artacağını proqnozlaşdırır.