"APA-ECONOMICS"in xəbərinə görə, bu gün Sənaye və Energetika Nazirliyinin təşkilatçılığı ilə Bakıda "Azərbaycanın dövlət müstəqilliyi: sənaye-energetika kompleksi yeni zirvələrə doğru" adlı dəyirmi masa keçirilmişdir.
Tədbirdə çıxış edən ARDNF-ın icraçı direktoru Şahmar Mövsümov qeyd edib ki, müstəqillik dövründə ölkəmizdə bir sıra nəql marşrutları, o cümlədən Bakı-Tbilisi-Ceyhan, Bakı-Novorossiysk, Bakı-Supsa neft kəmərləri inşa olunmuşdur.
ARDNF-ın 1999-cu ildə yaradıldığını deyən Ş.Mövsümov bildirib ki, fond 270 milyon dollar məbləğində vəsaitlə yaradılıb. Hazırda isə fondun vəsaiti 32 milyard dollara çatdırılmışdır: "Ümumiyyətlə, fəaliyyəti dövrü ərzində fonda 60 milyard dollardan çox vəsait daxil olub. Bunun yarısı Bakı-Tbilisi-Ceyhan, Bakı-Tbilisi-Qars, qaçqınların və məcburi köçkünlərin həyat şəraitinin yaxşılaşdırılması, gənclərin xaricdə təhsil alması və s. layihələrin icrasında istifadə olunub, yarısı isə fondun hesabında saxlanılır".