2011-ci ilin yanvar-avqust aylarında Azərbaycan Mərkəzi Bankının valyuta ehtiyatları 11 faiz artaraq avqustun 31-nə 7 milyard 114,2 milyon dollara çatmışdır. "Azadinform" bu barədə AMB-nin rəsmi məlumatına istinadən xəbər verir.
Bankın məlumatına görə, 2011-ci ilin avqust ayında Mərkəzi Bankın valyuta ehtiyatları 0,57 faiz və ya 40,4 milyon dollar artmışdır.
2011-ci ilin 1 yanvar tarixinə AMB-nin valyuta ehtiyatları 6 milyard 407,6 milyon dollar təşkil edirdi. 2010-cu ildə bankın valyuta ehtiyatları 24,1 faiz artmışdır.
AMB-nin qiymətləndirməsinə görə, 2012-ci ilə qədər bankın valyuta ehtiyatları 8 milyard dollara çata bilər.