APA-nın məlumatına görə, bunu fondun icraçı direktoru Şahmar Mövsümov bildirmişdir. Onun sözlərinə görə, hazırda fondun məcmu vəsaitlərinin həcmi 31 milyard dollar təşkil edir. ARDNF-in vəsaitlərinin müxtəlif valyutalarda yerləşdirildiyinə görə, dollar və avronun məzənnələrinin dəyişkənliyi Fondun vəsaitlərinə ciddi təsir etmir.
Ş.Mövsümov yaxın vaxtlarda dünya bazarlarında qeyri-sabitliyin sona çatmasına ümidvar olduğunu bildirib və qeyd edib ki, fondun yeni investisiya strategiyasının hazırlanması üzrə işin yenidən bərpa olunacağı gözlənilir və fondun dünya bazarlarında səhmlərə investisiya yönəltməsi mümkün olacaq.
Qeyd edək ki, hazırda Avropada borc böhranı yaşanır, bu da dünya maliyyə bazarlarına ciddi şəkildə mənfi təsir edir. Ş.Mövsümov qeyd edib ki, qeyri-sabit vəziyyətin nə vaxta qədər davam edəcəyi məlum deyil və Fond hazırda səhmlər üzrə gözləmə mövqeyindən çıxış edir.