Cari ilin yanvar-iyul aylarında Azərbaycanla Rusiya arasında mal dövriyyəsi 1,727 milyard dollar təşkil edib. Dövlət Gömrük Komitəsinin məlumatına görə, yeddi ay ərzində Rusiyaya mal ixracı 761,544 milyon dollar həcmində olub ki, bu da Azərbaycanın ümumi ixracının 4,92 faizini təşkil edir. Həmin dövr ərzində idxal 966,178 milyon dollar həcmində olmuşdur. Bu Azərbaycanın ümumi idxalının 18,78 faizini təşkil edir.
Qeyd etmək lazımdır ki, Azərbaycandan məhsul ixracı 2010-cu ilin yanvar-iyul ayları ilə müqayisədə 77,89 faiz, idxal isə 61,99 faiz artmışdır.