Azərbaycanda Dövlət Neft Fondunun (DNF) yaradılması vaxtında atılan və düzgün addım olmuşdur.
Bunu Dünya Bankının mütəxəssisləri verdikləri proqnozda bildirmişlər. Açıqlamada qeyd olunur ki, hazırda DNF-in aktivlərinin məbləği 30 milyard ABŞ dollarından çoxdur. Proqnozlara əsasən, yaxın 5 ildə fondun aktivlərinin məbləği neftin qiymətindən asılı olaraq, 50 milyard dollar təşkil edəcək, 15 ildə isə 100 milyard dolları keçəcəkdir.
Son 10-11 ildə DNF-in ümumi daxilolmalarının məbləği 50 milyard dollar olmuşdur. Bu məbləğdən də faiz gəlirləri 1 milyard dollar təşkil etmişdir. Həmçinin 20 milyard dollar infrastruktur layihələrinə ayrılmışdır.
Xatırladaq ki, iyulun 1-nə DNF-in aktivləri 2011-ci ilin əvvəlinə (22 milyard 766,8 milyon ABŞ dolları) nisbətən 33,3 faiz artaraq 30 milyard 357,5 milyon dollara bərabər olmuşdur.