Aprelin 1-nə Azərbaycan iqtisadiyyatının sahələri üzrə cəmi kredit qoyuluşları 8 milyard 485,2 milyon manat təşkil etmişdir.
Mərkəzi Bankın mətbuat xidmətindən bildirmişlər ki, kreditlərin 28,3 faizi və ya 2 milyard 401,9 milyon manatı ev təsərrüfatlarına, 1 milyard 843,2 milyon manatı (21,7 faiz) ticarət və xidmət sahəsinə, 438,8 milyon manatı (5,2 faiz) nəqliyyat və rabitə sahəsinə, 597 milyon manatı (7 faiz) sənaye və istehsalın payına düşmüşdür.
Kreditlərin 1 milyard 508,2 milyon manatı (17,8 faiz) energetika, kimya və təbii ehtiyatlar sahəsinə, 387,2 milyon manatı (4,6 faiz) kənd təsərrüfatı və emal müəssisələrinin inkişafına, 562,4 milyon manatı (6,6 faiz) inşaat və əmlak sahəsinə, 53,2 milyon manatı (0,6 faiz) isə digər sahələrə yönəldilmişdir.