İyulun 22-də Azərbaycanın xarici işlər naziri Elmar Məmmədyarov ölkəmizdə səfərdə olan GUAM-ın baş katibi Valeri Çeçelaşvili ilə görüşmüşdür.
Xarici İşlər Nazirliyinin mətbuat xidmətindən bildirmişlər ki, görüşdə münasibətlərin indiki vəziyyəti haqqında fikir mübadiləsi aparılmış, iqtisadi, humanitar, turizm, nəqliyyat, GUAM-ın beynəlxalq təşkilatlarla münasibətləri və digər sahələrdə əməkdaşlığın perspektivi məsələləri müzakirə edilmişdir.
Görüşdə, həmçinin qarşılıqlı maraq doğuran bir sıra məsələlər ətrafında fikir mübadiləsi aparılmışdır.
AzərTAc{nl}