Azərbaycanın Mərkəzi Bankı "Azərpoçt" MMC-nin maliyyə xidmətləri həyata keçirən əməkdaşlarının pul nişanları sahəsində nəzəri və praktiki biliklərinin artırılması məqsədi ilə "Pul nişanlarının ekspertizasının təşkili və aparılması" mövzusunda seminar keçirmişdir.
Seminarda milli valyuta - manatın mühafizə fəlsəfəsi və elementləri haqqında məlumat verilmişdir. Daha sonra əhalidən yararsız pul nişanlarının qəbul edilməsi, ekspertizası və dəyişdirilməsi qaydaları müzakirə edilmişdir. Qeyd olunmuşdur ki, əhalidən ödənişlər üçün pul nişanlarının qəbulu və dəyişdirilməsi "Mərkəzi Bank haqqında" Qanuna və Mərkəzi Bankın "Bank sistemində pulların ekspertizasının təşkili və aparılması Qaydaları"na əsasən həyata keçirilməlidir.
Seminar praktiki hissə ilə yekunlaşmışdır.
AzərTAc