Mərkəzi Bankın mətbuat xidmətindən bildirmişlər ki, aprelin 1-nə Azərbaycan iqtisadiyyatına cəmi kredit qoyuluşları 8 milyard 485,2 milyon manat təşkil etmişdir. Bu göstərici ötən ilin müvafiq dövrü ilə müqayisədə 36,4 faiz çoxdur.
Kredit qoyuluşlarının 355,9 milyon manatı vaxtı keçmiş kreditlərin payına düşmüşdür.
Kreditlərin 2 milyard 288,9 milyon manatı (27 faiz) qısamüddətli, 6 milyard 196,3 milyon manatı (73 faiz) isə uzunmüddətli kreditlərdir. Qısamüddətli kreditlərin 174,5 milyon manatı və ya 7,6 faizi, uzunmüddətli kreditlərin isə 181,5 milyon manatı və ya 2,9 faizi vaxtı keçmiş kreditlərdir.
Mərkəzi Bank tərəfindən iqtisadiyyata 3 milyard 923,4 milyon manat (46,2 faiz), özəl banklar tərəfindən 4 milyard 378,7 milyon manat (51,6 faiz), qeyri-bank kredit təşkilatları tərəfindən isə 183,2 milyon manat (2,2 faiz) kredit qoyulmuşdur.
Xarici kapitalın iştirakı ilə yaradılan banklar tərəfindən Azərbaycan iqtisadiyyatına 2 milyard 88,7 milyon manat kredit yönəldilmişdir ki, bunun da ümumi kredit qoyuluşlarında xüsusi çəkisi 24,6 faizə bərabərdir. 100 faizli xarici kapitalla fəaliyyət göstərən banklar isə 412,8 milyon manat (4,9 faiz) kredit vermişlər.
Kreditlərin 5 milyard 44,3 milyon manatı və ya 59,4 faizi manatla, 3 milyard 440,9 milyon manatı və ya 40,6 faizi xarici valyuta ilə verilmişdir.
AzərTAc{nl}