Bu ilin yanvar-may ayları ərzində "Azəri-Çıraq-Günəşli" blokundan 15,83 milyon ton neft çıxarılıb. Bu barədə Dövlət Neft Şirkətindən məlumat verilib.
Məlumatda bildirilir ki, yanvar ayında blokdan 3,297 milyon ton, fevralda 3,033 milyon ton, martda 3,238 milyon ton, apreldə 3,067 milyon ton, may ayında isə 3,193 milyon ton neft hasil olunub.
Beləliklə, yataqdan yanvar-may ayları ərzində orta sutkalıq neft hasilatı 104,838 min ton təşkil edib.
Qeyd edək ki, ötən il ərzində ümumilikdə, "Azəri-Çıraq-Günəşli" blokundan 40,481 milyon ton neft hasil olunub.