Mayın 1-nə olan məlumata görə, bu il Azərbaycan iqtisadiyyatına cəmi kredit qoyuluşları 8 milyard 639,6 milyon manat təşkil etmişdir. 
Mərkəzi Bankdan bildirmişlər ki, kreditlərin 32,8 faizi ev təsərrüfatlarına, 2 milyard 350,9 milyon manatı ticarət və xidmət sahəsinə yönəldilmişdir. Kreditlərin 5,3 faizi nəqliyyat və rabitə, 5,7 faizi sənaye və istehsal, 3,4 faizi energetika, kimya və təbii ehtiyatlar, 5 faizi kənd təsərrüfatı və emalı sahələrinin, 0,5 faizi digər sahələrin payına düşür. Verilmiş vəsaitləri 2 milyard 822,7 milyon manatı qısamüddətli, 5 milyard 816,9 milyon manatı isə uzunmüddətlidir.
Dövlət bankı tərəfindən iqtisadiyyata 3 milyard 071,5 milyon manat, özəl banklar tərəfindən 5 milyard 349 milyon manat, qeyri-bank kredit təşkilatları tərəfindən isə 219,1 milyon manat kredit qoyulmuşdur.
Kreditlərin 60,8 faizi manatla, 39,2 faizi xarici valyuta ilə verilmişdir. Kredit qoyuluşlarının 6,4 faizinin vaxtı keçmişdir.