Dünya bazarında “qara qızıl”ın qiyməti son 2,5 ildə xeyli aşağı düşüb. Texas sortu adlandırılan ABŞ-ın “WTI” markalı neftinin qiyməti 3,5 dollar azalaraq bir barreli 70,10 dollar olub. “Brent” markalı neftin qiyməti 5,5 dollar azalaraq bir barreli 74,30 dollar olub. Azərbaycanın “AzeriLight” markalı neftinin qiyməti 5,6 dollar azalaraq bir barreli 76,40 dollar olub.

 

Ekspertlər bildiriblər ki, dünya bazarında neftin qiymətinin aşağı düşməsinin üç səbəbi var. Birincisi, iyun ayından Səudiyyə Ərəbistanı hasilatı sutkada 400 min barrel artırıb. İkincisi, Liviya Dövlət Neft Şirkəti öz işini bərpa edərək 4 limandan istifadə etməklə neft ixracını artırıb. Qeyd edək ki, Afrika qitəsində ən çox neft ehtiyatı Liviyadadır. Üçüncüsü,  ABŞ-la Çin arasında güclü ticarət müharibəsi gedir. Çinin 200 milyard dollarlıq malı təhlükə altındadır.

 

Qəzənfər QASIMOV, 

“Xalq qəzeti”