“BP Azerbaijan” şirkətinin məlumatına görə, 2006-cı ilin iyunundan istismarda olan BTC boru kəməri ilə bu il may ayının sonunadək ümumilikdə 396,2 milyon ton, yəni təxminən 2 milyard 968,5 milyon barrel xam neft nəql olunub. Həmin neft Ceyhan limanında 3 min 886 tankerə yüklənərək dünya bazarına göndərilib.

Xatırladaq ki, hazırda BTC boru kəməri Azərbaycandan əsasən “Azəri-Çıraq-Günəşli” (AÇG) nefti və “Şahdəniz” kondensatı daşıyır. Bundan əlavə, boru kəməri vasitəsilə digər xam neft və kondensat həcmləri də, o cümlədən Türkmənistan, Rusiya və Qazaxıstan nefti nəql olunur. Bu ilin birinci rübündə BTC üzrə əməliyyat xərclərinə təqribən 30 milyon dollar, əsaslı xərclərə isə 5 milyon dollar sərf edilib.

 Vaqif BAYRAMOV,
“Xalq qəzeti”