“Azneft” İstehsalat Birliyindən aldığımız məlumata görə,  gələn ilin may ayına kimi “Qalmaz” yeraltı qaz anbarı sahəsinə aktiv qaz həcminin 1,5 milyard olmaqla, bufer qaz həcminin 2,3 milyard kubmetrə çatdırılması üzrə tədbirlər həyata keçiriləcək.  Bunun üçün, Qaz Anbarlarının İstismarı İdarəsi tərəfindən qaz anbarlarının həcminin genişləndirilməsi istiqamətində yeni quyuların qazılması, qaz təsərrüfatının yenidən qurulması və mövcud infrastrukturunun təkmilləşdirilməsi işləri görüləcək.

Bu il ərzində “Qalmaz” yeraltı qaz anbarı sahəsində 3-cü bloka 6, 4-cü bloka 15 yeni quyunun qazılması planlaşdırılır. Sözügedən sahədə 6 yeni kompressor stansiyasının tikilərək 2019-cu ilin qazvurma mövsümünə kimi başa çatdırılması da nəzərdə tutulur. Hazırda yeni tikiləcək kompressor stansiyalarının avadanlıqlarının təchiz edilməsi istiqamətində işlər davam etdirilir.    

Vaqif BAYRAMOV,

“Xalq qəzeti”