“Azneft” İstehsalat Birliyindən bildirildiyinə görə,  “Qalmaz” və “Qaradağ” yeraltı qaz anbarlarının tutumunun artırılaraq 5 milyard kubmetrə çatdırılması qarşıya mühüm bir vəzifə kimi qoyulub.  Bu proses iki mərhələli formada həyata keçiriləcək. İlk öncə daxili imkanlar hesabına qaz anbarlarının həcminin 3,5 milyard kubmetrə çatdırılması planlaşdırılır.

Xatırladaq ki, strateji obyektlərdən sayılan və ölkəmizin enerji təminatında mühüm rol oynayan yeraltı qaz anbarlarının yenidən qurulması, genişləndirilməsi, qabaqcıl texnologiyaların tətbiqi və qaz anbarının effektivliyinin yüksəldilməsi istiqamətində son illər ərzində böyük işlər görülüb.

Vaqif BAYRAMOV,
“Xalq qəzeti”