“Aqrolizinq” ASC-də taxıl biçininin vaxtında, itkisiz və mütəşəkkil təşkili ilə bağlı müşavirə keçirilib. Müşavirəni giriş sözü il açan “Aqrolizinq” ASC-nin İdarə Heyətinin sədri Seymur Mövlayev biçin mövsümündə regional nümayəndəliklərin istifadəsində olan kombaynların hazırlığı barədə məlumat verib.

Müşavirədə qeyd edilib ki, taxıl biçini mövsümünü daha mütəşəkkil keçirmək məqsədilə daxili qərargah yaradılıb. Qərargah taxıl biçini mövsümü ərzində mütəmadi olaraq biçinin vəziyyəti barədə monitorinq aparacaq, kombaynların dəqiq dislokasiyasını təmin edəcək və nasazlıqların aradan qaldırılmasını operativ qaydada həll edəcək. Eyni zamanda, fermerlərin taxıl biçini ilə əlaqədar aidiyyəti qurumlara və ASC-nin çağrı mərkəzinə daxil olan müraciətlərinin operativ araşdırılması, həll edilməsi və müvafiq tədbirlər görülməsi üçün qərargahda cəmiyyətin mütəxəssislərindən ibarət növbəli iş qrafiki tərtib olunub.  

Sonda müşavirədə “Aqrolizinq” ASC-nin hər bir regional nümayəndəliyinin biçinlə bağlı təklifləri dinlənilib, taxıl biçinin vaxtında və itkisiz həyata keçirilməsi ilə bağlı müzakirələr aparılıb, müvafiq tapşırıq və tövsiyələr verilib.

                                                         Əlipənah BAYRAMOV,
“Xalq qəzeti”