Bakı Ali Neft Məktəbində (BANM) “Yayılmağa dəyər fikirlər” missiyasının ruhunda yaradılmış məşhur TED layihəsinin TEDxBHOS konfransı həyata keçiriləcək.

Ali məktəbdən verilən məlumata görə, “Alternativ” mövzusu ilə reallaşacaq konfrans  mayın 26-da BANM-ın kampusunda keçiriləcək. Konfransda ölkənin müxtəlif sahələrində uğur qazanan 9 mütəxəssisi iştirak edəcək. 

Qeyd edək ki, ildə iki dəfə keçirilən TED hər il dünyanın müxtəlif ölkələrindən ayrı-ayrı sahələrdə çalışan insanları qlobal konfransda maksimum 18 dəqiqəlik çıxışa dəvət edir və gələcək üçün paylaşılmağa dəyər ideyaları onların vasitəsilə dünyaya çatdırır.

BANM-da keçiriləcək TEDxBHOS konfransı da digərləri kimi, qeyri-kommersiya təşkilatı olan TED-in lisenziyası əsasında baş tutacaq.

Vaqif BAYRAMOV,
“Xalq qəzeti”