Azərbaycan ilə İran Xəzər dənizində kəşfiyyat və hasilat işlərini həyata keçirəcək birgə neft şirkəti yaradacaqlar.

İranın neft nazirinin müavini Əmir Hüseyn Zamaninin mətbuata açıqlamasına görə, birgə şirkətin yaradılması cari il martın 28-də İran Prezidenti Həsən Ruhaninin Azərbaycana rəsmi səfəri zamanı tərəflər arasında razılaşdırılıb. Hazırda İran tərəfi lazımi işləri həyata keçirərək yeni birgə şirkətin qurulmasının hüquqi əsasını hazırlayır. Birgə şirkətin hər iki tərəfə iqtisadi səmərə gətirəcəyi gözlənilir.

Nazir müavini onu da nəzərə çatdırıb ki, İran ilə Qərb ölkələri arasında nüvə proqramına dair imzalanmış razılaşma pozulsa, bu, Azərbaycan ilə neft və qaz sahəsindəki əməkdaşlığa heç bir təsir göstərməyəcək.

Vaqif BAYRAMOV,
“Xalq qəzeti”