"Azərbaycanın yeni hökumətinin əsas vəzifəsi 2015-2016-cı illərdə başladılan islahatların sürətinin qorunub saxlanılması, eləcə də daxili şoklara qarşı iqtisadiyyatın dayanıqlılığının yüksəldilməsidir".

Bu barədə “APA-Economics” Dünya Bankına istinadən xəbər verir.

"Azərbaycanda aprelin 11-də baş tutan prezident seçkilərinin qalibi İlham Əliyev olub. İlham Əliyev vəzifələrinin icrasına aprelin 18-dən başlayıb və hökuməti formalaşdırmağa başlayıb. Yeni hökumətin davamlı və hərtərəfli inkişafı təmin etmək üçün mühüm iqtisadi islahatları davam etdirəcəyi gözlənilir,” – deyə Dünya Bankından bildirilib.

Dünya Bankı Azərbaycan hökumətini aztəminatlı ailələrin sosial müdafiə sisteminin effektivliyinin artırması üçün apardığı islahatları davam etdirməyə çağırıb.