İqtisadiyyat Nazirliyi Bakı Biznes Mərkəzində talassemiya və digər irsi qan xəstəliklərindən əziyyət çəkən uşaqlara yardım məqsədilə qanvermə aksiyası keçirib.

Nazirlikdən verilən məlumata görə, Azərbaycan Talassemiya Federasiyasının xeyirxahlıq missiyasına uyğun olaraq, İqtisadiyyat Nazirliyi “Donor günü” aksiyası keçirib və nazirliyin əməkdaşları qan veriblər.

Qeyd edək ki, artıq ölkəmizdə ənənəyə çevrilən qanvermə aksiyasında İqtisadiyyat Nazirliyinin əməkdaşları hər il iştirak edirlər.

Vaqif BAYRAMOV,
“Xalq qəzeti”