2018-ci ilin II yarısında Azərbaycanda ÜDM-in artım tempi sürətlənəcək.

“İnterfax”a istinadən, bu barədə məlumat “Sberbank İnvestment Research”in “Bugünkü borc bazarları” icmalında öz əksini tapıb. “Sberbank İnvestment Research”in analitikləri hesab edir ki, ÜDM-in artım tempinin sürətlənməsi investisiya fəallığı hesabına baş verəcək.

“Sberbank İnvestment Research”in analitikləri hesab edir ki, 2018-ci ilin ikinci yarısında tikinti sahəsində inkişaf başlayacaq: “Xüsusilə infrastruktur layihələrinə dövlət xərclərinin artması hesabına (2018-ci ilin büdcəsinə uyğun olaraq 50 faiz) baş verəcək. Bu ÜDM-in əlavə artımını dəstəkləməlidir, hansı ki, cari ildə 2 faizə çata bilər”, – deyə icmalda vurğulanıb.

Qeyd edək ki, Azərbaycan hökuməti 2018-ci ildə ÜDM-in artımını 1,5 faiz səviyyəsində proqnozlaşdırır.

İ.Əmənullayev

“Xalq qəzeti”