Əmlak Məsələləri Dövlət Komitəsi Novruz bayramında  daha bir yeni inşa edilmiş binanın sakinlərini sevindirib.

Komitədən aldığımız məlumata görə, keçirilən növbəti “Kütləvi çıxarış” kampaniyasından Abşeron rayonunda yerləşən, 9 mərtəbəli, 5 bloklu yaşayış kompleksinin sakinləri faydalanaraq, öz ünvanlarında mənzillərinə dair hazır çıxarışlar əldə ediblər.

Kampaniya vətəndaşların məşğulluq prosesinin pozulmadan qeydiyyat xidmətindən yararlanmasına, bu sahədə əlçatanlığın artırılmasına və vətəndaş məmnunluğuna səbəbkar olur. Vaxtlarına qənaət edən sakinlər sənədləşdirmənin sürətli və rahat şəkildə aparılması, xidmətlərin birbaşa ünvana çatdırılmasından razılıqlarını ifadə ediblər.

Vaqif BAYRAMOV,
“Xalq qəzeti”