Avropanın qərb və cənub bölgələrində havalar sərinləşmək bilmir. Qızmar istilər isə “Köhnə qitə”ni cənginə alıb. Bu barədə “Daily Mail” məlumat yayıb.

Mənbə qeyd edir ki, Pireney yarımadasında isə Avropanın temperatur rekordu qeydə alınır. Yarımadada havanın temperaturu + 45, + 46 dərəcə təşkil edir. Bildirilir ki, İspaniyanın cənubunda, “Kosta qurşağı” adlanan bölgədə isə havanın temperaturunun + 47,8 dərəcəyə çatacağı gözlənilir.

Portuqaliyanın əksər hissələrində isə havanın orta temperaturu artıq +43 dərəcədir.

Hazırda İspaniyanın paytaxtı Madriddə + 44 dərəcə istilik var.

Elçin ABBASOV,
“Xalq qəzeti”