Havay adalarında Halemaumau krateri ətrafında, aktiv vulkandan 5 kilometr  cənub qərbdə Rixter cədvəli üzrə 5,3 bal gücündə zəlzələ olub. Zəlzələ zamanı vulkan kraterində kiçik partlayış da olub.

ABŞ Geoloji Tədqiqat Mərkəzi (USGS)-nin məlumatına görə, krater üzərində hər hansı püskürmə əlamətləri müşahidə edilməyib.

Qeyd edək ki, bu yaxınlarda Havay adaları qrupunun Böyük adasında yerləşən Kilauela vulkanı oyanıb. Titrəyişlə müşayiət olunan püskürmə zamanı ətrafa yayılan qızmış lava axını qarşısına çıxan hər şeyi yandıraraq okeana doğru axıb. Adada 500-dən çox ev yanaraq kül olub.

Məlumat üçün deyək ki, Havay adaları qrupunun Böyük adasında yerləşən Kilauela vulkanı Yer kürəsinin ən aktiv vulkanlarından biri sayılır.

Elçin ABBASOV,
“Xalq qəzeti”