Ekologiya və Təbii Sərvətlər Nazirliyi bu gecə havanın kəskin dumanlı olmasının səbəbini açıqlayıb. Ekologiya və Təbii Sərvətlər Nazirliyinin Ekoloji təbliğat sektorunun müdiri Umayra Tağıyeva açıqlamasında bildirib ki, dumanın yaranmasına səbəb kəskin isti olub.

Havada duman şəklini alan buxar əsasən, paytaxtın dənizkənarı ərazilərində müşahidə olunub. Bu, Neftçilər prospekti, İstiqlaliyyət küçəsi, "Statistika" dairəsi və Nəriman Nərimanov heykəlinə yaxın olan ərazilərdə sürücülərin görmə məhdudiyyətini aşağı salıb.

Yerli sakinlər bunu havaların son günlər kəskin isti keçməsi və bu səbəbdən dənizdə buxarlanmanın çoxalması ilə izah ediblər.

M.MÜKƏRRƏMOĞLU,

“Xalq qəzeti”