12-14 may tarixlərində Bakıda “Daxili su hövzələrinin problemləri: Xəzər dənizi hövzəsinin tematik öyrənilməsi” mövzusunda beynəlxalq konfrans keçiriləcək.

www.science.gov.az saytının məlumatına görə,  Almaniya, İsveçrə, ABŞ, Fransa, Rusiya və digər ölkələrdən alimlərin iştirak edəcəyi tədbirin təşkilatçıları AMEA-nın akademik H.Əliyev adına Coğrafiya İnstitutu və Beynəlxalq İslam Ölkələri Elm və Okeanografik Texnologiya Şəbəkəsidir.

Konfransın keçirilməsində əsas məqsəd Xəzər dənizi, Aral, Van və Urmiya gölləri hövzəsi üzrə mövcud problemlərin həlli yollarının araşdırılması, bu istiqamətdə beynəlxalq elmi əməkdaşlıq mübadiləsinin genişləndirilməsidir.

Ünvan: Bakı şəh., Kövkəb Səfərəliyeva küçəsi 5 (Holiday Inn hoteli).

                                                                                      Əlipənah BAYRAMOV,
“Xalq qəzeti”