№ 60

Bakı şəhəri, 21 fevral 2018-ci il

Azərbaycan Respublikası Nazirlər Kabinetinin 2000-ci il 15 iyul tarixli  125  nömrəli  qərarı  ilə  təsdiq  edilmiş  “Azərbaycan Respublikasının “Qırmızı Kitabı” haqqında Əsasnamə”də dəyişiklik edilməsi barədə

“Heyvanlar aləmi haqqında” Azərbaycan Respublikasının Qanununda dəyişikliklər edilməsi barədə” Azərbaycan Respublikasının 2017-ci il 31 oktyabr tarixli 827-VQD nömrəli Qanununun tətbiqi haqqında” Azərbaycan Respublikası Prezidentinin 2017-ci il 14 dekabr tarixli 3490 nömrəli Sərəncamının 1.2-ci bəndinin icrasını təmin etmək məqsədi ilə Azərbaycan Respublikasının Nazirlər Kabineti QƏRARA  ALIR:

Azərbaycan Respublikası Nazirlər Kabinetinin 2000-ci il 15 iyul tarixli 125 nömrəli qərarı (Azərbaycan Respublikasının Qanunvericilik Toplusu, 2000, № 7, maddə 572; 2005, № 1, maddə 49; 2015, № 10, maddə 1223) ilə təsdiq edilmiş “Azərbaycan Respublikasının “Qırmızı Kitabı” haqqında Əsasnamə”nin I bölməsinin 4-cü hissəsində “elmi tədqiqat təşkilatları” sözləri “elmi müəssisə və təşkilatları” sözləri ilə əvəz edilsin.

Artur RASİ-ZADƏ
Azərbaycan Respublikasının Baş naziri