№ 17

Bakı şəhəri, 19 yanvar 2018-ci il

“İnformasiya sistemlərinin “www.azexport.az” internet portalına inteqrasiyası üçün Texniki Tələblər”in təsdiq edilməsi haqqında

“Azərbaycan Respublikasının diplomatik nümayəndəlikləri və konsulluqları vasitəsilə qeyri-rezidentlərə elektron imza sertifikatının verilməsi Qaydası”nın və “www.azexport.az” internet portalı haqqında Əsasnamə”nin təsdiq edilməsi barədə” Azərbaycan Respublikası Prezidentinin 2017-ci il 12 sentyabr tarixli 1598 nömrəli Fərmanının 4.5-ci bəndinin icrasını təmin etmək məqsədi ilə Azərbaycan Respublikasının Nazirlər Kabineti QƏRARA ALIR:

1. “İnformasiya sistemlərinin “www.azexport.az” internet porta-lına inteqrasiyası üçün Texniki Tələblər” təsdiq edilsin (əlavə olunur).

2. “www.azexport.az” internet portalının iştirakçıları portala qoşulmalı olan informasiya sistemlərinin bu qərarın 1-ci hissəsi ilə təsdiq edilmiş Texniki Tələblərə uyğunluğunu təmin etsinlər.

Artur Rasi-zadə
Azərbaycan Respublikasının Baş naziri

Qeyd: Qərara edilmiş əlavələrin tam mətni ilə www.cabmin.gov.az və www.xalqqazeti.com saytlarında tanış ola bilərsiniz.