№ 197

Bakı şəhəri, 8 may 2017-ci il

Azərbaycan Respublikası Nazirlər Kabinetinin 2009-cu il  28 sentyabr tarixli 156 nömrəli  qərarı  ilə  təsdiq  edilmiş “Elektron   vergi  hesab-fakturalarının  tətbiqi,  uçotu  və istifadə Qaydaları”nda dəyişiklik edilməsi barədə

“Ticarət festivalları dövründə fiziki şəxslər tərəfindən Azərbaycan Respublikasının ərazisində alınmış istehsal, yaxud kommersiya məqsədləri üçün nəzərdə tutulmayan mallara görə ödənilmiş əlavə dəyər vergisinin qaytarılması Qaydası”nın təsdiq edilməsi haqqında” Azərbaycan Respublikası Prezidentinin    2017-ci il 20 fevral tarixli 1252 nömrəli Fərmanının 2.2-ci bəndinin icrasını təmin etmək məqsədi ilə Azərbaycan Respublikasının Nazirlər Kabineti  QƏRARA ALIR:

Azərbaycan Respublikası Nazirlər Kabinetinin 2009-cu il 28 sentyabr tarixli 156 nömrəli qərarı (Azərbaycan Respublikasının Qanunvericilik Toplusu, 2009, № 9, maddə 760; 2014, № 3, maddə 315; 2016, № 11, maddə 1933) ilə təsdiq edilmiş “Elektron vergi hesab-fakturalarının tətbiqi, uçotu və istifadə Qaydaları”nın 2.5-ci bəndinə “şəxslərə” sözündən sonra “, ticarət festivalları dövründə isə bütün fiziki şəxslərə” sözləri əlavə edilsin.

Artur Rasi-zadə
Azərbaycan Respublikasının
Baş naziri