№ 492

Bakı şəhəri, 5 dekabr 2016-cı il

Azərbaycan Respublikası Nazirlər Kabinetinin 2005-ci il 23 fevral  tarixli  33  nömrəli  qərarı  ilə  təsdiq edilmiş “Dəmir yolu  nəqliyyatı  təyinatlı  torpaqlardan  və  dəmir  yolunun xüsusi    mühafizə   zonasına   aid   torpaqlardan    istifadə olunması  Qaydaları”nda  dəyişikliklər  edilməsi  haqqında

“Azərbaycan Dəmir Yolları” Qapalı Səhmdar Cəmiyyətinin yaradılması haqqında” Azərbaycan Respublikası Prezidentinin 2009-cu il 20 iyul tarixli 383 nömrəli Sərəncamında dəyişikliklər edilməsi və Səhmdar Cəmiyyətinin fəaliyyətinin təkmilləşdirilməsi ilə bağlı əlavə tədbirlər barədə” Azərbaycan Respublikası Prezidentinin 2015-ci il 18 sentyabr tarixli 622 nömrəli Fərmanının 2.8-ci bəndinə əsasən Azərbaycan Respublikasının Nazirlər Kabineti QƏRARA ALIR:

Azərbaycan Respublikası Nazirlər Kabinetinin 2005-ci il 23 fevral tarixli 33 nömrəli qərarı (Azərbaycan Respublikasının Qanunvericilik Toplusu, 2005, № 2, maddə 133; 2006, № 1, maddə 59; 2009, № 9, maddə 736, № 10, maddə 846; 2013, № 6, maddə 739; 2015, № 11, maddə 1418; Azərbaycan Respublikası Nazirlər Kabinetinin 2016-cı il 1 sentyabr tarixli 337 nömrəli qərarı) ilə təsdiq edilmiş “Dəmir yolu nəqliyyatı təyinatlı torpaqlardan və dəmir yolunun xüsusi mühafizə zonasına aid torpaqlardan istifadə olunması Qaydaları”nda aşağıdakı dəyişikliklər edilsin:

1. 12-ci, 19-cu və 23-cü hissələrdə “Azərbaycan Respublikasının Nəqliyyat Nazirliyi” sözləri “Azərbaycan Dəmir Yolları” Qapalı Səhmdar Cəmiyyəti” sözləri ilə əvəz edilsin.

2. 17-ci hissənin birinci cümləsində “Azərbaycan Respublikası Nəqliyyat Nazirliyinin razılığı ilə ADDY” sözləri “Azərbaycan Dəmir Yolları” Qapalı Səhmdar Cəmiyyəti” sözləri ilə əvəz edilsin və ikinci cümləsi çıxarılsın.

3. 22-ci hissə ləğv edilsin.

4. 24-cü hissədə “ADDY” abreviaturası “Azərbaycan Dəmir Yolları” Qapalı Səhmdar Cəmiyyəti” sözləri ilə əvəz edilsin.

Artur Rasi-zadə
Azərbaycan Respublikasının Baş naziri