№ 266  Bakı şəhəri, 14 iyun 2018-ci il

Tərcümə Mərkəzinin strukturunun və işçilərinin say həddinin təsdiq edilməsi 

haqqında

“Tərcümə Mərkəzinin fəaliyyətinin təmin edilməsi haqqında” Azərbaycan Respublikası 

Prezidentinin 2018-ci il 28 fevral tarixli 

1847 nömrəli Fərmanının 2.3-cü bəndinin icrasını təmin etmək məqsədi ilə Azərbaycan Respublikasının Nazirlər Kabineti  QƏRARA  ALIR:

1. “Tərcümə Mərkəzinin strukturu” təsdiq edilsin (əlavə olunur).

2. Tərcümə Mərkəzinin işçilərinin say həddi 50 ştat vahidi təsdiq edilsin.

3. Bu qərarda dəyişikliklər Azərbaycan Respublikası Prezidentinin 2002-ci il 24 avqust tarixli 772 nömrəli Fərmanı ilə təsdiq edilmiş “İcra hakimiyyəti orqanlarının normativ hüquqi aktlarının hazırlanması və qəbul edilməsi qaydası haqqında Əsasnamə”nin 2.6-1-ci bəndinə uyğun edilə bilər.

Əli Əhmədov

 Azərbaycan Respublikası 

 Baş nazirinin müavini

 

Azərbaycan Respublikası Nazirlər Kabinetinin 2018-ci il 14 iyun tarixli 266 nömrəli qərarı ilə təsdiq edilmişdir.