Azərbaycan Respublikası Prezidentinin Fərmanı

Azərbaycan Respublikası Konstitusiyasının 109-cu maddəsinin 32-ci bəndini rəhbər tutaraq, texnika və memarlıq sahələrində ən yaxşı əsərləri qiymətləndirmək məqsədi ilə qərara alıram:
1. "Azərbaycan Respublikasının Elm, mədəniyyət və ədəbiyyat üzrə Dövlət Mükafatları Komissiyasının tərkibi və Əsasnaməsinin təsdiq edilməsi haqqında" Azərbaycan Respublikası Prezidentinin 2010-cu il 8 fevral tarixli 212 nömrəli Fərmanında (Azərbaycan Respublikasının Qanunvericilik Toplusu, 2010, № 2, maddə 76) aşağıdakı dəyişikliklər edilsin:
1.1. 1-ci hissədə "Elm," sözündən sonra "texnika, memarlıq," sözləri əlavə edilsin;
1.2. həmin fərmanla təsdiq edilmiş "Azərbaycan Respublikasının Elm, mədəniyyət və ədəbiyyat üzrə Dövlət Mükafatları Komissiyasının tərkibi"ndə:
1.2.1. Komissiyanın adında "Elm," sözündən sonra "texnika, memarlıq," sözləri əlavə edilsin;
1.2.2. "Komissiyanın üzvləri" bölməsində "Respublikası Nazirlər Kabinetinin Elm, mədəniyyət, xalq təhsili və sosial problemlər" sözləri "Respublikasının Nazirlər Kabineti Aparatının Humanitar məsələlər" sözləri ilə əvəz edilsin;
1.3. həmin fərmanla təsdiq edilmiş "Azərbaycan Respublikasının Elm, mədəniyyət və ədəbiyyat üzrə Dövlət Mükafatları Komissiyasının Əsasnaməsi"ndə:
1.3.1. Əsasnamənin adında "Elm," sözündən sonra "texnika, memarlıq," sözləri əlavə edilsin;
1.3.2. 1-ci hissədə "Elm," sözündən sonra "texnika, memarlıq," sözləri əlavə edilsin, "elm, mədəniyyət və ədəbiyyat sahələrində ən yaxşı əsərləri" sözləri "elm, texnika, memarlıq, mədəniyyət və ədəbiyyat sahələrində ən dəyərli əsərləri (işləri, layihələri)" sözləri ilə əvəz edilsin;
1.3.3. 4.1-ci bənddə "elm," sözündən sonra "texnika, memarlıq," sözləri əlavə edilsin;
1.3.4. 7-ci hissədə "Elm, mədəniyyət və ədəbiyyat üzrə 3 (üç)" sözləri "Elm, texnika, memarlıq, mədəniyyət və ədəbiyyat üzrə 5 (beş)" sözləri ilə əvəz edilsin;
1.3.5. 8-ci hissədə "elmin," sözündən sonra "texnikanın, memarlığın," sözləri əlavə edilsin, "təşkil edən" sözləri "verən" sözü ilə əvəz edilsin;
1.3.6. 9-cu hissədən "(işlər)" sözü çıxarılsın, "oluna bilər" sözləri "olunur" sözü ilə əvəz edilsin;
1.3.7. 10-cu hissədə "edilə bilər" sözləri "edilir" sözü ilə əvəz edilsin;
1.3.8. 16-cı hissədə:
1.3.8.1. birinci abzasda "Elm" sözündən sonra ", texnika, memarlıq" sözləri əlavə edilsin;
1.3.8.2. ikinci abzasda "İncəsənət" sözü "Mədəniyyət" sözü ilə, "oluna bilər" sözləri "olunur" sözü ilə əvəz edilsin.
2. Azərbaycan Respublikası Prezidentinin 2010-cu il 8 may tarixli 892 nömrəli Sərəncamı (Azərbaycan Respublikasının Qanunvericilik Toplusu, 2010, № 5, maddə 416) ilə təsdiq edilmiş "Azərbaycan Respublikasının Dövlət Mükafatı laureatının diplomunun təsviri"nə əlavə olunmuş Azərbaycan Respublikasının Dövlət Mükafatı laureatı diplomunun dördüncü səhifəsinin eskizində "Elm," sözündən sonra "texnika, memarlıq," sözləri əlavə edilsin.

İlham ƏLİYEV Azərbaycan Respublikasının Prezidenti
Bakı şəhəri, 1 noyabr 2012-ci il