“Hədəf” nəşrlərinin “Ustad” ədəbiyyat və sənət dərgisi Cümhuriyyət ili münasibətilə hekayə müsabiqəsi elan edib.

Müsabiqəyə  1918-20-ci illərdə mövcud olmuş Azərbaycan Demokratik Cümhuriyyəti dönəmindən,  həmin dövrdə baş vermiş  istənilən hadisəni, ictimai-siyasi, sosial-mədəni mövzuları əhatə edən hekayələr qəbul edilir. Hekayələrin janrına məhdudiyyət qoyulmur.

Hekəyələr aprelin 10-una qədər “Ustad” dərgisinin elektron poçtuna ([email protected])   göndərilə bilər.

Qeyd edək ki, müsabiqəyə təqdim olunan hekayələr Münsiflər Heyəti tərəfindən qiymətləndiriləcək, ilk 3 yerin qalibi mükafatlandırılacaq. Seçilmiş hekayələr “Ustad” dərgisinin Cümhuriyyət ilinə həsr olunmuş xüsusi buraxılışında dərc ediləcək.

Əfsanə Bayramqızı,

 “Xalq qəzeti”