Azərbaycan teatrının yaranmasının 145-ci ildönümünü Gəncə Dövlət Dram Teatrı Tuncer Cücenoğlunun “Matryoşka” adlı romantik komediyası ilə qeyd etməyi nəzərdə tutub. Sabah, martın 10-da, peşəkar teatr günündə bu tamaşa teatrsevərlərə təqdim olunacaq.

Tamaşanın quruluşçu rejissoru Elşad Əhmədov, rəssamı Vahab Cəfərov, müsiqi tərtibatçısı Tünzalə Mustafayevadır. Teatrın direktoru, respublikanın əməkdar mədəniyyət işçisi Əli Qasımov müxbirimizlə söhbətində deyib ki, tamaşada əsas rolları xalq artisti Pərvanə Qurbanova, əməkdar artist Sevda Orucova və aktyor Yusif Cəfərov ifa edəcəklər.

Hamlet Qasımov,
“Xalq qəzeti”nin bölgə müxbiri