Azərbaycan Tarixi Muzeyinə  yeni sikkələr təqdim olunub. Bildirək ki, qurum daim yeni materiallarla öz kolleksiyasını zənginləşdirir. Bu məlumat  muzeydən verilib.

Təbriz, Van, Amid (Diyarbəkir), Ərzincan zərbxanalarının istehsalı olan gümüş təngələr Ağqoyunlu hökmdarları – Uzun Həsən, Yaqub, Rüstəm, Məhəmməd və Əlvəndin adından hazırlanıb. Ağqoyunluların pul dövriyyəsində önəmli vasitə olan bu sikkələr hazırda muzeyin numizmatika fondunda qorunur.

Sikkələr Ağqoyunlu tarixinin öyrənilməsində mühüm əhəmiyyətə malikdir və öz tədqiqatçılarını gözləyir.

“Xalq qəzeti”