"Nar bağı" filmi Brüsseldə  "Bridges. East of West Fest" festivalında nümayiş ediləcək. Festival yanvarın 17-dən 23-dək baş tutacaq.  "Bridges. East of West Fest" festivalını Brüsselin BOZAR  məşhur təsviri incəsənət mərkəzi təşkil edir.

Qeyd edək ki, "Nar bağı" filmi  Mədəniyyət və Turizm Nazirliyinin sifarişi ilə Cəfər Cabbarlı adına “Azərbaycanfilm” kinostudiyası və “Buta Film” kino şirkətinin birgə istehsalıdır.  Filmin ssenari müəllifləri Asif Rüstəmov, İlqar Nəcəf, Roelof Jan Minneboo, quruluşçu operatoru Ayhan Salar, quruluşçu rəssamı Rafiq Nəsirov, bəstəkarı Firudin Allahverdi, icraçı prodüseri Akif Əliyev, prodüserləri Müşfiq Hətəmov və İlqar Nəcəfdir.

Ekran əsəri ailə dramı üzərində qurulub. Psixoloji dram janrında çəkilən filmdə baş rolları Qurban İsmayılov, İlahə Həsənova, Səmimi Fərhad, Həsən Ağayev və digərləri canlandırıblar.

“Xalq qəzeti”