“YARAT” Müasir İncəsənət Mərkəzi ilin ilk mövsümünü açıq elan edib. Mərkəz  rejissor Elvin Mirzəyevin “Axına qarşı” adlı yeni eksperimental tamaşası ilə sənətsevənlərə təqdim edib.

Tamaşa Nizami Gəncəvinin “Yeddi Gözəl”, Vilyam Şekspirin “Romeo və Cülyetta”, Herman Hessenin “Siddhartha”, yunan mifi “Orfey və Evridika” və Mixail Bulqakovun “Ustad və Marqarita” əsərləri əsasında hazırlanıb.

Tamaşa qeyri-adiliyi ilə fərqlənir. İnsan üçün “korluq” nədir? İnsanı öz “korluğunu” qəbul etməyə nə vadar edir? Bəzən insan görməyə çalışsa da, görə bilmir. Bəzən insana görmək nəsib olmur və başqalarının bu qabiliyyətinə dözə bilmir. Bəzən insan görür, ancaq gördüyünü gizlətmək məcburiyyətində qalır. Bütün bu suallara Mirzəyevin “Axına qarşı” adlı yeni eksperimental tamaşada cavab tapırsan.

“Xalq qəzeti”