Beynəlxalq Muğam Mərkəzinin təşkilatçılığı ilə “Aşıq musiqisi axşamları” adlı yeni layihəyə start verilir.

Layihənin icrası zamanı UNESCO-nun Qeyri-Maddi Mədəni İrs üzrə Reprezentativ Siyahısına daxil edilən aşıq sənətinin xalqımızın musiqi palitrasında tutduğu yerdən söhbət açılacaq, aşıq musiqiləri səslənəcək. Layihə çərçivəsində keçiriləcək tədbirlərdə aşıq sənəti ilə bağlı müxtəlif mövzulara toxunulacaq, Azərbaycanın görkəmli aşıqlarının həyat və yaradıcılığına həsr olunmuş gecələr təşkil ediləcək.

“Aşıq musiqisi axşamları” layihəsi bu ilin yanvar ayından may ayına qədər davam edəcək. “Koroğlu”ya qayıdaq” adlı ilk tədbir yanvarın 12-də baş tutacaq.

Layihə çərçivəsində“Ələsgərin saz-söz dünyası”,“Zərif əllər, incə tellər”,“Aşıq Şəmşir şeiri”, “Yada salaq Aşıq Ədaləti” və “Yeni səslər,qədim havalar” adlı tədbirlərin keçirilməsi nəzərdə tutulub. Layihə Azərbaycan Aşıqlar Birliyinin dəstəyi ilə reallaşacaq.

M.MÜKƏRRƏMOĞLU,

“Xalq qəzeti”