Xalq şairi Zəlimxan Yaqubun dünyasını dəyişməsinin ildönümü ilə əlaqədar məzarı ziyarət olunub və  qəbri üzərinə gül dəstələri düzülüb.

Tədbirdə  çıxış edənlər bildiriblər ki,  Zəlimxan Yaqub  hələ  sağlığında özünə milyonların qəlbində abidə ucaltmışdı.  Şairin Azərbaycan ədəbiyyatındakı yerindən və  rolundan söhbət açılıb. Söz-sənət aləmində hər zaman onun  yerinin göründüyünü, gənc qələm nümayəndələrinə daim qayğı göstərdiyini  bildiriblər  və onunla bağlı xatirələrini bölüşüblər.

Şairin xatirəsinə ehtiram əlaməti olaraq “Zəlimxan özü var xatirələrdə” kitabı  nəşr edilib. Kitabda şairin  dünyasını dəyişəndən sonra  onun haqqında yazılmış elmi-publisistik məqalələr və ona ithaf olunmuş şeirlər yer alıb.

Sonda şairin oğlu Bəhlul Yaqubov anım mərasimində  iştirak edənlərə  və bütün zəlimxansevərlərə ailə üzvləri adından təşəkkürünü bildirib.

“Xalq qəzeti”