Yanvarın 27-28-də Azərbaycan Dövlət Akademik Milli Dram Teatrında “Soyuq ürək” tamaşası  nümayiş olunacaq.   “Soyuq ürək”  “Made in Odessa” Prodüser Mərkəzi (Ukrayna) teatrının aktyorlarının iştirakı ilə göstəriləcək.  Bu tamaşa dünya uşaqlarının ən sevimli cizgi filminin motivləri əsasında hazırlanıb.

Hadisələr  Anna adlı qızın  başına gələn əhvalat  əsasında cərəyan edir. Anna bacısını şər qüvvələrin əlindən azad etmək üçün qorxmaz alpinist Kristof, onun maralı Sven, habelə mehriban qar adamı Olafla birlikdə Elzanı tapmaq, buz tilsimini  dağıtmaq və onları xilas etmək məqsədi ilə şaxta və çovğunlar arasından uzaq və təhlükəli səyahətə çıxırlar. Dostları çətin sınaqlar və həyəcanverici macəralar gözləyir.

Tamaşaçılar Erendell krallığında macəraları izləyəcək və cizgi filminin sevimli qəhrəmanları ilə tanış olacaqlar.

Ü.VAHİDQIZI,

“Xalq qəzeti”