Görkəmli ictimai-siyasi xadim, türkçülüyün ideoloqlarından biri, publisist, yazıçı, hüquqşünas, Azərbaycan Xalq Cümhuriyyəti parlamentinin üzvü  Əhməd bəy Ağaoğlunun nəvəsi, tanınmış yazıçı və tərcüməçi Tektaş Ağaoğlu vəfat edib. Tektaş Ağaoğlu  Menderes hökumətinin dəyişməz nazirlərindən biri olan Səməd Ağaoğlunun oğlu idi.

Türkiyə mətbuatının verdiyi məlumata görə, T. Ağaoğlu yanvarın 9-da 84 yaşında İstanbuldakı Amerikan klinikasında dünyasını dəyişib. 

Tektaş Ağaoğlu 1934-cü ildə İstanbulda anadan olub. Oxsford Universitetinin hüquq fakültəsini bitirib. Dostoyevskinin, Şoloxovun, Remarkın əsərlərini türkcəyə tərcümə edib. 1973-cü ildə Marks və Engelesin əsərlərini tərcümə etdiyinə görə 7 il 6 ay həbs cəzasına məhkum olunub. Lakin  5 aydan sonra azad edilmişdir.