Türkiyədə keçirilən Hak-iş Beynəlxalq Qısa Film Yarışmasında Amil Məmiyevin “Qara bağ” filmi “Ən yaxşı film” nominasiyasının qalibi olmuşdur. Eyni zamanda, filmin baş qəhrəmanı Elxan Abbasov da festivalın “Ən yaxşı aktyor” mükafatına layiq görülmüşdür.

Dünən baş tutan mükafatlandırma mərasimində Türkiyənin mədəniyyət və turizm naziri Numan Kurtulmuş qaliblərin mükafatlarını təqdim etmişdir.

Qeyd edək ki, film Azərbaycan Mədəniyyət və Turizm Nazirliyinin sifarişi ilə “Azərbaycanfilm” kinostudiyası tərəfindən istehsal edilmişdir. Filmin quruluşçu rejissoru və ssenari müəllifi Amil Məmiyev, quruluşçu operatoru Rauf Qurbanəliyev, quruluşçu rəssamı Əziz Məmmədov, bədii rəhbəri Cəmil Quliyev, icraçı prodüseri Arif Səfərov, prodüseri Müşfiq Hətəmovdur.

M.MÜKƏRRƏMOĞLU,
“Xalq qəzeti”