“İçərişəhər” Dövlət Tarix-Memarlıq Qoruğu İdarəsinin yaradılmasının 10 illik fəaliyyətini əks etdirən ekspozisiya nümayiş edilir. Ekspozisiyanın nümayişi Kiçik Qala küçəsində, Şirvanşahlar Saray Kompleksinin yaxınlığında açıq havada təşkil olunub. Məlumatı “İçərişəhər” DTMQİ verib.

Dekabrın sonunadək davam edəcək ekspozisiyada son 10 il ərzində elmi-tədqiqat və arxeologiya, kütləvi tədbirlər, bərpa və abadlaşma sahəsində görülmüş işlər öz əksinin tapıb. Həmçinin İçərişəhərdə səfərdə olmuş rəsmi qonaqlar və tanınmış simalar, Marionet Teatrı, “İçərişəhər” Ənənəvi İncəsənət Mərkəzi, Tahir Salahovun ev-muzeyi və s. haqqında maraqlı məlumatlar və fotolar yer alıb.

Ülviyyə VAHİDQIZI,
“Xalq qəzeti”