Musiqisi: Sərdar Fərəcov

Sözləri: Ramiq Muxtar

Bakıdan Qarsa doğru

Uzanır dəmir yolu.

Bir qolu Ərdogandı,

Bir qolu İlham qolu.

Gürcüstan ellərindən

Keçəcəkdi bu qatar.

Sovqatı sülh olacaq,

Bir də şirin arzular.

Abşeron gülləridi

Qatarın ilk töhfəsi.

Düşmən təlaşda qalıb,

Daralıbdı nəfəsi.

Birləşibdi bu yolda

Üç qardaşın ürəyi.

Şölə saçan bayraqlar,

Olub bayram bəzəyi.

Ulu Öndər Atanın

Ruhu gəzir burada.

Gəlin rəhmət diləyək,

Biz müqəddəs bu ada.

Polad qollar Turanı

Basacaqdı bağrına.

Dünya heyran olacaq,

Yurdumun bayrağına.